به‌پێی هه‌واڵی کوردپرێس، سه‌یدۆ چه‌تۆ به ماڵپه‌ڕی فه‌رمیی پارتی دیموكراتی كوردستانی ڕاگه‌یاند: "له كۆی ملیۆنێک و ھه‌شت ھه‌زار ئاواره تا ئێستا ٨٠٠ هه‌زاریان نه‌گه‌ڕاونه‌ته‌وه و له ئاواره‌ییدا ده‌ژین، زۆرینه‌یشیان له ھه‌رێمی كوردستانن و ئاماده نیین له دۆخی ئێستای مووسڵدا بگه‌ڕێنه‌وه كه زۆر خراپه."
سه‌رۆکی ئه‌نجومه‌نی پارێزگای مووسڵ دوو ھۆكار دێنێته به‌ر باس كه ئاواره‌كان نه‌گه‌ڕاونه‌ته‌وه ئه‌و هۆکارانه‌ش نه‌بوونی خزمه‌تگوزاری و ئه‌منییه‌ت له مووسڵن به‌ڵام ئه‌وه‌ی زیاتر ھۆكاره نه‌بوونی ئه‌منییه‌ته و ئه‌و ھێزانه‌ی له مووسڵ ھه‌ن ھیچ ھه‌ماھه‌نگییێک له نێوانیاندا نییه و ناتوانن ئه‌منییه‌ت به‌و شێوه‌یه بپارێزن بۆیه ئه‌مه وای كردوووه خه‌ڵک نه‌گه‌ڕێته‌وه و ھه‌ر له ئاواره‌ییدا بێت چوونكه ته‌نیا له سنووری دھۆک ھێشتا ١٥ كه‌مپی ئاواره‌ی مووسڵ ھه‌ن و له ده‌ره‌وه‌ی مووسڵیش ٥ كه‌مپی دیكه ھه‌ن كه ھه‌موویان پڕن له ئاواره.
چه‌تۆ ده‌شڵێت: "له ھه‌وڵداین بۆ ئه‌وه‌ی ئاواره‌كان بگه‌ڕێنه‌وه سه‌ر ماڵوحاڵی خۆیان و سه‌ره‌تایش پێویسته ھێزه ئه‌منییه‌كان له مووسڵ ڕێک بخرێنه‌وه، بۆ ئه‌وه‌ی كه ئه‌و خه‌ڵكه ده‌گه‌ڕێته‌وه ئه‌منییه‌تیان پارێزراو بێت."
کۆدی هه‌واڵنێر: 60103
Your Comment