به‌پێی هه‌واڵی کوردپرێس، ئه‌مڕۆ دووشه‌ممه‌ 29ی تشرینی یه‌که‌می 2018 وه‌زاره‌تی به‌رگریی عێراق ئاماژه‌ی به‌وه‌ كرد که‌ کاروانێکی فڕۆکه‌ی جه‌نگیی T50 گه‌یشته‌ به‌غدا و كاروانی فڕۆكه‌كانی ئه‌مجاره‌ له‌ شه‌ش فڕۆكه ‌پێكهاتوووه‌ و به‌ گه‌یشتنی ئه‌و فڕۆكه‌ هێڵی به‌رگریی ئاسمانیی عێراق به‌هێزتر ده‌بێت.

به ‌گوێره‌ی گرێبه‌ستێكی نێوان عێراق و كۆریای باشوور له‌ ساڵی 2003، كۆریای باشوور 24 فڕۆكه‌ی جه‌نگی به‌ بڕی ملیارێک و 100 ملیۆن دۆلار به‌ عێراق فرۆشتوووه و سیئۆل هه‌ر جاره‌ و كاروانێک له‌و فڕۆكانه‌ ڕاده‌ستی عێراق ده‌كات، تاوه‌كوو ئێستاش عێراق ڕاده‌ست كردنی ته‌نیا 12 فڕۆكه‌ی ڕاگه‌یاندوووه‌.

پێشتر كاروانی یه‌كه‌م و دووه‌می ئه‌و فڕۆكانه‌ش له‌ مانگی ئازاری ئه‌مساڵ ڕاده‌ستی هه‌مان بنكه‌ی سه‌ربازیی به‌غدا كران.

سه‌رچاوه‌: میدیاکانی هه‌رێمی کوردستان

کۆدی هه‌واڵنێر: 60103