به‌پێی هه‌واڵی کوردپرێس، ئامانج ڕه‌حیم له‌ په‌یجی تایبه‌تی خۆی له‌ تۆڕی کۆمه‌ڵایه‌تیی فه‌یسبووکدا نووسیی: ده‌بێ نوێنه‌رانی کوردی ئه‌نجومه‌نی نوێنه‌رانی عێراق و ده‌وڵه‌تی فیدڕاڵ به‌تایبه‌ت فوئاد حسێن وه‌زیری داراییی نوێی ئه‌و وڵاته‌ پێداچوونه‌وه‌ له‌ پڕۆژه‌یاسای بودجه‌ی گشتیی ساڵی 2019ی عێراقدا بکه‌ن و ئه‌و پڕۆژه‌یاسایه‌ بخه‌نه‌ به‌رنامه‌ی کاریی په‌رله‌مانه‌وه‌.

ناوبراو جه‌ختی کرده‌وه‌ که‌ له‌ قۆناغی ئێستای عێراقدا ده‌بێ ئاوڕێکی زیاتر له‌ پاراستنی به‌رژه‌وه‌ندیی کورد بدرێته‌وه‌ و پێداچوونه‌وه‌ له‌ هه‌ندێک بڕگه‌کانی پڕۆژه‌یاسای بودجه‌ی ساڵی 2019دا بکرێت له‌وان پشکی 17 له‌سه‌دی هه‌رێمی کوردستان.

ئامانج ڕه‌حیم گوتیشی: بودجه‌ی گشتیی عێراق بابه‌تێکی نیشتیمانییه‌ و پێوه‌ندییێکی ڕاسته‌وخۆی له‌گه‌ڵ بژێوی ژیانی هاووڵاتییانی هه‌رێمی کوردستاندا هه‌یه‌.

سه‌رچاوه‌: هه‌واڵده‌ریی مه‌علوومه‌

کۆدی هه‌واڵنێر: 60103