به‌پێی هه‌واڵی کوردپرێس، ڕۆژی سێشه‌ممه 16ی تشرینی یه‌که‌می 2018 باڵیۆزخانه‌ی ئه‌مریکا له به‌غدا له به‌یاننامه‌یێکدا ڕای‌گه‌یاند که جۆن سولیڤان جێگری وه‌زیری ده‌ره‌وه‌ی ئه‌مریکا له میانه‌ی سه‌ردانی ئه‌م هه‌فته‌یدا بۆ به‌غدا سه‌رله‌نوێ پابه‌ندبوونی ئه‌مریکای دووپات کردوووه‌ته‌وه بۆ هاوکاری کردنی گرووپه ئایینییه چه‌وساوه‌کانی عێراق.
باڵیۆزخانه‌ی ئه‌مریکا له به‌غدا ئاشکرای کردوووه که واشنتۆن شانازی به‌وه ده‌کات زیاتر له 178 ملیۆن دۆلاری دیکه له هاوکارییه‌کانی وه‌زاره‌تی ده‌ره‌وه پێشکه‌ش به‌و گرووپه سته‌ملێکراوانه ده‌کات.
باڵیۆزخانه‌ی ئه‌مریکا له به‌غدا له به‌یاننامه‌که‌یدا ئاماژه به‌وه‌ش ده‌دات که ئه‌و پاره زیادکراوه له چوارچێوه‌ی نزیکه‌ی ملیارێک دۆلاردایه که له ساڵی 2017ه‌وه پێشکه‌شی بووژانه‌وه و سه‌قامگیریی عێراقی ده‌کات، ئه‌وله‌ویه‌تیش دراوه به دابین کردنی 300 ملیۆن دۆلار بۆ ئه‌و ناوچه جوگرافیانه‌ی که گرووپه ئایینییه‌کانی تێدان وه‌ک ده‌شتی نه‌ینه‌وا.
سه‌رچاوه: ڕووداو
کۆدی هه‌واڵنێر: 60103
Your Comment