به‌پێی هه‌واڵی کوردپرێس، ئه‌رشه‌د ساڵحی له لێدوانێكدا بۆ سایتی "به‌غداد الیوم" گوتی: "ئێمه توانایێكی گه‌وره‌مان له به‌ڕێوه‌بردنی هه‌ر پۆستێكی حكوومی هه‌یه، چ وه‌زاره‌تی سه‌رچاوه ئاوییه‌كان بێت یاخود هه‌ر وه‌زاره‌تێكی دیكه."
ناوبراو ئاشكراشی كرد: "داوای پۆستی جێگری سه‌رۆک كۆمار و جێگری سه‌رۆک وه‌زیران بۆ كاروباری پێكهاته‌كان و وه‌زاره‌تی سه‌رچاوه ئاوییه‌كانمان كردوووه و ئه‌و 3 پۆسته به شایسته‌ی خۆمان ده‌زانین."
ئه‌رشه‌د ساڵحی جه‌ختی كرده‌وه: "ئه‌گه‌ر حكوومه‌ته‌كه‌ی عادل عه‌بدولمه‌هدی به‌رهه‌ڵستی ئه‌و داواكارییه‌ی ئێمه‌ی بكات ئه‌وا پێویسته چه‌ند پۆستێک له سه‌رۆكایه‌تیی كۆمار پێمان بده‌ن ئه‌گه‌رنا داوای زیاتر له وه‌زاره‌تێک بۆ پێكهاته‌ی توركمان ده‌كه‌ین و له‌و داواكارییه‌ی خۆشمان پاشه‌گه‌ز نابینه‌وه."
ئه‌مه‌ش له كاتێكدایه له كۆی 329 كورسی په‌رله‌مان له ئه‌نجومه‌نی نوێنه‌رانی عێراق، پێكهاته‌ی توركمان له هه‌ڵبژاردنی ئه‌م خوله‌ی په‌رله‌ماندا ته‌نیا 3 كورسی له شاری كه‌ركووک به‌ده‌ست هێناوه كه یه‌كسانه به كۆی سه‌رجه‌م كورسییه‌كانی ئه‌و پێكهاته‌یه له ئه‌نجومه‌نی نوێنه‌رانی عێراق.
سه‌رچاوه: K24
کۆدی هه‌واڵنێر: 60103
Your Comment