به‌پێی هه‌واڵی کوردپرێس، ئه‌مڕۆ شه‌ممه‌ 13ی تشرینی یه‌که‌می 2018 هادی عامری له‌ 37 ساڵه‌ی دامه‌زراندنی ئه‌نجومه‌نی باڵای ئیسلامی گوتارێكی پێشكه‌ش كرد و گوتی: "پێویسته‌ عادل عه‌بدولمه‌هدی په‌له‌ له‌ پێكهێنانی حكوومه‌ت بكات چوونكه‌ هاوپه‌یمانێتیی فه‌تح و سائیروون به‌ ته‌واوه‌تی ئازادیان كردوووه‌ له‌ ده‌ستنیشان كردنی وه‌زیره‌كانی كابینه‌كه‌ی و هیچ فشارێک ناخه‌ینه‌ سه‌ری و به‌پێچه‌وانه‌وه‌ پاڵپشتی ده‌كه‌ین و هیواخوازین سه‌رجه‌م سه‌ركرده‌ سیاسییه‌كان به‌رده‌وام بن له‌ هاوكاری كردن و پاڵپشتی كردنی."

دوایین ڕۆژ بۆ پێكهێنانی حكوومه‌تی نوێی عێراق به‌ گوێره‌ی ئه‌و واده‌یه‌ی له‌ ده‌ستووری عێراقدا دیاری كراوه‌ بۆ ئه‌م جاره‌ ڕۆژی 3ی 11ی 2018یه‌ و پێشبینی ده‌كرێ عادل عه‌بدولمه‌هدی پێش ئه‌و واده‌یه‌ ناوی وه‌زیره‌كانی كابینه‌كه‌ی پێشكه‌شی ئه‌نجومه‌نی نوێنه‌رانی عێراق بكات.

سه‌رچاوه‌: K24

کۆدی هه‌واڵنێر: 60103