بەپێی هەواڵی کوردپرێس، ئەمرۆ دووشەممە موحەمەد حەلبوسی سەرۆكی پەرلەمانی عێراق لە دوای سەردانی كردنی بۆ لای بەرهەم ئەحمەد ساڵح، سەرۆک كۆماری عێراق كۆنگرەیێكی رۆژنامەوانیی ساز كرد‌ و تێیدا رایگەیاند بۆ چارەسەكردنی كێشەی ئاو لەگەڵ وڵاتانی دراوسێ‌ سەردانی توركیا‌ دەكات و هەروەها لەو بارەیەوە لەگەڵ عەلی لاریجانی سەرۆکی پارلەمانی ئێران کۆ دەبێتەوە.

لەبارەی پرسی پێكهێنانی حكوومەتی نوێی عێراق ئاماژەی بەوەكرد عادل عەبدولمەهدی راسپێردراوە بۆ ئەوەی كابینەی حكوومەتی نوێی عێراق پێک بهێنێت، هەروها وتیشی: هیچ لایەنێک ناتوانێت فشار بخاتە سەر عادل عەبدولمەهدی ‌و خۆی ئازادە لە هەڵبژاردنی وەزیرەكان.

سەرچاوە: شەفەق نیووز

کۆدی هەواڵنێر: 60113