به‌پێی هه‌واڵی کوردپرێس، جاسم محه‌مه‌د جه‌عفه‌ر له ‌لێدوانێكى ڕۆژنامه‌وانیدا وتوویه‌تى: "عادل عه‌بدولمه‌هدى به‌رنامه‌یێكى حكوومى داناوه‌ و تێیدا به ‌شێوه‌یێكى به‌رچاو هه‌وڵى كه‌مكردنه‌وه‌ى وه‌زاره‌ته‌كان و پۆسته‌ حكومییه‌كان ده‌دات به‌ڵام ڕووبه‌ڕووی گوشاری زۆرى حزبه‌ سیاسییه‌كان ده‌بێته‌وه‌".

ناوبراو وتیشى: "ئه‌و هێزانه‌ گوشاری زۆریان له‌سه‌ر عادل عه‌بدولمه‌هدى دروست كردوووه‌ بۆ ڕازی بوون له‌سه‌ر كاندیده‌كانیان ئه‌وه‌ش سه‌ره‌ڕاى ئه‌وه‌ى به‌رده‌وام داوا ده‌كات هیچ لایه‌نێک ده‌ستوه‌ر نه‌داته‌ پێكهێنانى حكوومه‌ت".

ئه‌و په‌رله‌مانتاره‌ى پێشوو ڕوونیشی كردۆته‌وه‌ سه‌رۆک وه‌زیرانى ڕاسپێردراو داواى له‌ كوتله‌كان كردوووه‌ بۆ هه‌ر وه‌زاره‌تێک 4 كه‌س دیارى بكه‌ن بۆ هه‌ڵبژاردنى یه‌كێكیان، هه‌روه‌ها پێویسته‌ حكوومه‌تى داهاتوو مافى سه‌رجه‌م پێكهاته‌كان بپارێزێت وه‌ک توركمان و مه‌سیحى و كه‌مه‌ نه‌ته‌وایه‌تییه‌كانى دیكه‌ش.

سه‌رچاوه‌: ڕادیۆ نه‌وا

کۆدی هه‌واڵنێر: 60103