به‌پێی هه‌واڵی کوردپرێس، نووسینگه‌ی ڕۆژنامه‌وانیی د. به‌رهه‌م له ڕاگه‌یه‌ندراوێكدا ڕای‌گه‌یاند: ئه‌مڕۆ چوارشه‌ممه 26ی ئه‌یلوول شاندێكی یه‌كێتی به سه‌رۆكایه‌تیی د. به‌رهه‌م گه‌یشتوووه‌ته شاری نه‌جه‌ف و له‌گه‌ڵ موقته‌دا سه‌در سه‌رۆكی ره‌وتی سه‌در كۆ بوووه‌ته‌وه.
له ڕاگه‌یێندراوه‌که‌دا ئاماژه به‌وه‌ش کراوه که له كۆبوونه‌وه‌كه‌دا تاوتوێی پێكهێنانی حكوومه‌تی عێراق و دیاری كردنی سه‌رۆک كۆماری عێراق كراوه.
هاوکات نووسینگه‌ی ڕاگه‌یاندنی موقته‌دا سه‌در بڵاوی کرده‌وه که ئه‌مڕۆ چوارشه‌ممه 26ی ئه‌یلوول سه‌در پێشوازی له د. به‌رهه‌م و شاندی یاوه‌ری كردوووه له نه‌جه‌ف و باسیان له پرسه گرنگه‌كانی عێراق و پڕۆسه‌ی سیاسی كردوووه له عێراقدا.
نووسینگه‌ی راگه‌یاندنی سه‌در جه‌ختی له‌وه كردوووه‌ته‌وه كه ده‌بێت حكوومه‌تی داهاتووی عێراق گونجاو بێت له‌گه‌ڵ خواست و هیوای گه‌لی عێراق و به‌دیهێنانی ئه‌ركه سه‌ره‌كییه‌كان و په‌له‌كردن له دابین كردنی ئه‌من و خزمه‌تگوزاریی شایسته به‌بێ جیاوازی له نێوان هه‌موو پێكهاته‌كاندا.
ئه‌وه‌ش خراوه‌ته ڕوو که جه‌خت له گرنگی كاركردن كراوه‌ته‌وه بۆ چه‌سپاندنی بنه‌مای پێكه‌وه‌ژیان و پته‌وكردنی گیانی هاووڵاتیی بوون له ژێر سێبه‌ری عێراقێكی یه‌كگرتوودا.
سه‌رچاوه: خه‌ندان
کۆدی هه‌واڵنێر: 60103
Your Comment