بەپێی هەواڵی کوردپرێس، ئه‌مڕۆ 23-9-2018، فوئاد مه‌عسووم سه‌رۆک كۆماری عیراق برووسكه‌یێكی ماته‌مینیی ئاڕاسته‌ی سه‌رۆكی ئێران حه‌سه‌ن رۆحانی كرد و تیایدا به‌ توندیی ئه‌و ده‌ست درێژییه‌ تیرۆرستییه‌ی ئیدانه‌كرد كه‌ كرایه‌ سه‌ر نمایشێكی سه‌ربازیی له‌ شاری ئه‌هواز، هاوپشتیی گه‌لی عێراقی له‌گه‌ڵ گه‌لی ئێرانی دۆستدا دوپات كرده‌وه‌ دژی تاقمه‌ تیرۆرسته‌ تاوانباره‌كان.

کوردپرێس، ده‌قی بروسكه‌كه‌‌:

فه‌خامه‌تی برام دكتۆر شێخ حه‌سه‌ن رۆحانیی به‌ڕێز

سه‌رۆک كۆماری ئیسلامیی ئێران

به‌ ناوی خۆم و به‌ ناوی گه‌لی كۆماری عێراقه‌وه‌ داخ و ماته‌مینیی قووڵمان ده‌رده‌بڕین بۆ قوربانیانی ده‌ست درێژییه‌ تیرۆرستییه‌كه‌ی كه‌ كرایه‌ سه‌ر نمایشێكی سه‌ربازیی له‌ شاری ئه‌هواز.

له‌ كاتێكدا به‌شداریی خه‌متانین بۆ له‌ده‌ست دانی گیانی هاووڵاتییان به‌ توندیی ئه‌م په‌لاماره‌ تیرۆرستییه‌ ئیدانه‌ ده‌كه‌ین، پشتگیریی و هاوكاریی گه‌لی عێراق له‌گه‌ڵ گه‌لی كۆماری ئیسلامیی ئێرانی دۆستدا دژی تاقمه‌ تیرۆرسته‌ تاوانباره‌كان دووپات ده‌كه‌ینه‌وه‌، داوای هه‌رچی زوتری چاک بوونه‌وه‌ی برینداران و به‌ركه‌وتووانیش ده‌كه‌ین.

کۆدی هەواڵنێر: 60113