به‌پێی هه‌واڵی کوردپرێس، سه‌رچاوه‌یێک له‌ مه‌کته‌بی سیاسیی پارتی ڕای‌گه‌یاند: پارتی به‌ فه‌رمی فوئاد حسێنی بۆ پۆستى سه‌رۆک کۆماری عێراق کاندید کردوووه‌ و سی ڤی و پێداویستییه‌کانی ئه‌و کاره‌ش دراوه‌ته‌ فه‌رمانگه‌ری یاساییی په‌رله‌مانی عێراق.

ئه‌مه‌ش له‌ کاتێکدایه‌ هه‌ر ئه‌مڕۆ یه‌کشه‌ممه‌ 23ی ئه‌یلوول سروه‌ عه‌بدولواحید په‌رله‌مانتاری پێشووی عێراق خۆی بۆ پۆستى سه‌رۆک کۆماری عێراق کاندید کرد و ڕای‌گه‌یاند: بۆ به‌ده‌ستهێنانی پۆستی سه‌رۆک کۆماریی عێراق له‌لایه‌ن هیچ حزب و لایه‌نێکی سیاسییه‌وه‌ پشتیوانی ناکرێت و وه‌ک که‌سایه‌تییێکی سیاسیی کورد و بێلایه‌ن خۆی بۆ ئه‌و پۆسته‌ کاندید کردوووه‌.

پرسی کاندیدبوون بۆ سه‌رۆک کۆماری عێراق و وه‌رگرتنى ئه‌و پۆسته‌ گفتوگۆی زۆری له‌ باره‌وه‌ ده‌کرێت و تا ئێستا به‌رهه‌م ساڵح و سه‌لیم شووشکه‌یی و سه‌ردار عه‌بدوڵڵا و له‌تیف ڕه‌شید و سروه‌ عه‌بدولواحیدیش خۆیان کاندید کردوووه‌.

سه‌رچاوه‌: ئێن ئاڕتی

کۆدی هه‌واڵنێر: 60103