به‌پێی هه‌واڵی کوردپرێس، ئه‌مڕۆ یه‌كشه‌ممه 23ی ئه‌یلوولی 2018 ناوه‌ندی میدیاییی هه‌سه‌ده‌ له‌ پێگه‌ی ئه‌لیكترۆنی خۆیه‌وه‌‌ ڕایگه‌یاندوووه‌: "هێزه‌کانمان توانیویانه‌ 26 چه‌کداری داعش له‌ پارێزگای ده‌یره‌زوور بکوژن و ئه‌و چه‌كدارانه‌ی داعش هه‌وڵیان داوه‌ هێرش بكه‌نه‌ سه‌ر گوندێكی نزیكی سنووری سووریا له‌گه‌ڵ عێراق و بۆ ئه‌و مه‌به‌سته‌ش فڕۆكه‌ی بێفڕۆكه‌وانیان به‌كار هێناوه‌ به‌ڵام هێزه‌كانمان توانیویانه‌ فڕۆكه‌ بێفڕۆكه‌وانه‌که‌ بخه‌نه‌ خواره‌وه‌."

به‌ گوێره‌ی ڕاپۆرته‌كه‌، هه‌سه‌ده‌ توانیویه‌تی ته‌نها ڕۆژی شه‌ممه‌ 26 چه‌كداری داعش بكوژێت و 3 له‌و چه‌كدارانه‌ی داعش به‌هۆی بۆردومانی ئاسمانی كوژراون.

هه‌سه‌ده‌ ڕۆژی 11ی ئه‌یلوولی 2018 قۆناخی كۆتاییی هێرشی زه‌مینی بۆ كۆنترۆڵ كردنه‌وه‌ی ناوچه‌ی هه‌جین و ده‌وروبه‌ری له‌ پارێزگای ده‌یره‌زووری ڕۆژهه‌ڵاتی فورات ده‌ست پێكرد و له‌ ئۆپراسیۆنه‌كه‌دا ھێزه‌كانی هاوپه‌یمانیی نێوده‌وڵه‌تی له‌ ئاسمانه‌وه‌ پاڵپشتیان ده‌كه‌ن.

سه‌رچاوه‌: K24

کۆدی هه‌واڵنێر: 60103