به‌پێی هه‌واڵی کوردپرێس، د. مه‌حموود عوسمان سیاسه‌تمه‌داری كورد به SNNی ڕاگه‌یاند: "دۆخی ئێستای هه‌رێمی كوردستان باش نییه، به شێوه‌یێک له‌لایێک ململانێ و ناكۆكیی نێوان حزبه سیاسیه‌كان هه‌یه و له‌لایێكی دیكه‌شه‌وه گه‌نده‌ڵییێكی زۆر هه‌یه".
ناوبراو سه‌باره‌ت به چۆنێتیی ئاسایی بوونه‌وه‌ی دۆخی هه‌رێمیش وتی: "ئه‌گه‌ر لایه‌نه سیاسییه‌كان هاوكاری یه‌كتر بن و به‌یه‌كه‌وه كار بكه‌ن بۆ نووسینه‌وه‌ی ده‌ستووری هه‌رێم و به‌ره‌نگاری گه‌نده‌ڵی ببنه‌وه ئه‌وه دۆخی هه‌رێم به‌ره‌و باشتر ده‌ڕوات".
ئه‌و سیاسه‌تمه‌داره ڕاشی‌گه‌یاند: "گه‌نده‌ڵیی دارایی و ئیداری و سیاسی بۆته قه‌یرانێكی گه‌وره له عێراق و هه‌رێمی كوردستان و كاریگه‌ریشی هه‌بوووه له‌سه‌ر ئه‌وه‌ی هه‌رگیز دۆخه‌كه جێگیر نه‌بێت بۆیه ده‌بێت ئه‌وله‌وییه‌تی كاره‌كانی هه‌ر دوو حكومه‌تی داهاتووی عێراق و هه‌رێم نه‌هێشتنی گه‌نده‌ڵی بێت".
کۆدی هه‌واڵنێر: 60103
Your Comment