به‌پێی هه‌واڵی کوردپرێس، ئۆپراسیۆنه‌كه‌ی هه‌سه‌ده له چوار قۆڵه‌وه به هه‌ماهه‌نگی له‌گه‌ڵ هێزه‌كانی هاوپه‌یمانیی نێوده‌وڵه‌تیی دژی داعش به سه‌رۆكایه‌تیی ئه‌مه‌ریكا به‌رێوه ده‌چێت و ئامانجیان پاككردنه‌وه‌ی ناوچه‌كانی رۆژهه‌ڵاتی فوراته.
هه‌سه‌ده له به‌یاننامه‌یێكدا ڕای‌گه‌یاندوووه: "هێزه‌كانمان ڕۆژی دووشه‌ممه 10ی ئه‌یلوولی 2018 له دواكاتژمێره‌كانی ئێواره‌وه قۆناخی كۆتایی له شه‌ڕه‌كانی رۆژهه‌ڵاتی فورات ده‌ست پێكردوووه به‌ناوی شه‌ری له‌ناوبردنی تیرۆر و له چوار میحوه‌ره‌وه هه‌ڵمه‌ته سه‌ربازییه‌كه به‌ڕێوه ده‌چێت."
هه‌روه‌ها ئاماژه‌یان به‌وه كردوووه که هه‌ڵمه‌ته‌كه بۆ سه‌ر دوامۆڵگه‌كانی داعش و ڕزگاركردنی گونده‌كانی هه‌جین، سوسه، شه‌عفه و گوندی مه‌زارع و ده‌وروبه‌ریه‌تی كه ده‌كه‌ونه سه‌ر ڕووبه‌رێكی جوگرافی به درێژاییی 35 كیلۆمه‌تر درێژی و 10 كیلۆمه‌تر پانی."
له به‌یاننامه‌كه‌ی هه‌سه‌ده‌دا ئاماژه به‌وه كراوه که ئه‌نجومه‌نی سه‌ربازیی ده‌یره‌زوور و پێكهاته‌كانی پاسه‌وانی سنوور و فه‌وجه‌كانی هێزی تایبه‌تی سه‌ر به یه‌كینه‌كانی پاراستنی گه‌ل "یه‌په‌گه" و "یه‌په‌ژه" به پاڵپشتیی فڕۆكه‌كانی هاوپه‌یمانیی نێوده‌وڵه‌تی له هێرشه‌كه‌دا به‌شدارن.
سه‌رچاوه: K24
کۆدی هه‌واڵنێر: 60103
Your Comment