به‌پێی هه‌واڵی کوردپرێس، هاوپه‌یمانیی فه‌تح له‌ ڕێگای ڕاگه‌یێندراوێکه‌وه‌ داوای ده‌ستله‌کارکێشانه‌وه‌ی عه‌بادی ده‌کات و ئه‌و داوايه‌ى هاوپه‌يمانیى فه‌تح به‌هۆى خۆپيشاندانه‌كانى به‌سره‌وه‌ ئاراسته‌ى سه‌رۆک وه‌زیرانی عێراق كراوه‌.

هاوپه‌يمانييه‌كه‌ ڕاشی‌گه‌یاندوووه‌: ئه‌وه‌ى له‌ به‌سره‌ ڕوو ده‌دات ئه‌جێندای ده‌ره‌کی له‌ پشته‌وه‌یه‌ و سه‌باره‌ت به‌و ئه‌جێندایه‌ په‌نجه‌ی تۆمه‌ت ئاراسته‌ی ئه‌مریکا و سعوودییه‌ ده‌کات.

هاوپه‌يمانیى فه‌تح پشتيوانیی خۆى بۆ داواكاریى خۆپيشانده‌رانى به‌سره‌ ده‌ربڕيوه‌ ‌و داواشی كردوووه‌ خۆپيشانده‌ران موڵک و ماڵى گشتي بپارێزن و ڕێگرى له‌ ئاژاوه‌گێڕى بكه‌ن.

ڕاگه‌یێندراوه‌که‌ی هاوپه‌یمانیی فه‌تح داوای ده‌ستله‌كاركێشانه‌وه‌ی ده‌ست به‌جێی حه‌یده‌ر عه‌بادی سه‌رۆک وه‌زیرانی عێراق ده‌كات و ده‌ڵێت: "ئه‌گه‌ر عه‌بادی ده‌ست له‌كاركێشانه‌وه‌ پێشكه‌ش نه‌كات ئه‌وا له‌ ڕێگه‌ی په‌رله‌مانه‌وه‌ كار بۆ دوورخستنه‌وه‌ی ده‌كه‌ین".

سه‌رچاوه‌: K24

کۆدی هه‌واڵنێر: 60103