به‌پێی هه‌واڵی کوردپرێس، ڕۆژی یه‌كشه‌ممه‌ 2ی ئه‌یلوول فازڵ میرانی سكرتێری مه‌كته‌بی سیاسیی پارتی و سه‌رۆكی شاندی حزبه‌كه‌ی كه‌ به‌ هاوبه‌شی له‌گه‌ڵ یه‌كێتی بۆ گفتۆگۆكردن له‌گه‌ڵ لایه‌نه‌ سیاسییه‌كانی عێراق سه‌ردانی شاری به‌غدایان كرد له ‌لێدوانێكی ڕۆژنامه‌وانیدا ڕای‌گه‌یاند: "ئه‌گه‌ر دانیشتنه‌كه‌ی ئه‌مڕۆ دووشه‌ممه‌ 3ی ئه‌یلوولی په‌رله‌مانی عێراق ئه‌نجام بدرێت سه‌رۆكی په‌رله‌مان هه‌ڵنابژێردرێت چوونكه‌ تا ئێستا سوننه‌كان له‌باره‌ی دیاری كردنی كاندیدێک بۆ ئه‌و پۆسته‌ ڕێكنه‌كه‌وتوون".

ئێستا شاندی هاوبه‌شی پارتی ‌و یه‌كێتی له ‌شاری به‌غدان و زنجیره‌یێک كۆبوونه‌وه‌یان له‌گه‌ڵ لایه‌نه‌ سیاسییه‌كانی عێراق وه‌ک هاوپه‌یمانی فه‌تح و ڕه‌وتی حیكمه‌ ئه‌نجام داوه‌ و تا ئێستا ڕوون نییه‌ ئاخۆ كورد به‌شداری له‌و به‌ره‌یه‌دا ده‌كات كه‌ نووری مالكی ‌و هادی عامری سه‌رۆكایه‌تی ده‌كه‌ن یاخود ده‌چێته‌ پاڵ به‌ره‌ی موقته‌دا سه‌در‌ و حه‌یده‌ر عه‌بادی.

سه‌رچاوه‌: شارپرێس

کۆدی هه‌واڵنێر: 60103