به‌پێی هه‌واڵی کوردپرێس، دوای نوێژی هه‌ینیی 31ی ئابی 2018 هاووڵاتییانی ناڕازیی به‌سره‌ خۆپیشاندانیان ده‌ست پێکرده‌وه‌ و هه‌ڵیانکوتایه‌ سه‌ر باڵه‌خانه‌ی ئه‌نجومه‌نی ئه‌و پارێزگا‌ و ئاگریان له ‌ناو باڵه‌خانه‌ی ئه‌نجومه‌نی پارێزگای به‌سره‌ به‌ر دا.

به‌هۆی كه‌میی كاره‌با و نه‌بوونی ئاوی پاكی خواردنه‌وه‌ خۆپیشاندانه‌كانی پارێزگای به‌سره‌ ده‌ستی پێكردوووه‌ته‌وه‌ و به‌هۆی خواردنه‌وه‌ی ئاوی پیس ڕۆژانه‌ نزیكه‌ی 400 كه‌س ژه‌هراوی ده‌بن و ڕه‌وانه‌ی نه‌خۆشخانه‌ ده‌كرێن.

خۆپیشاندانه‌كه‌ی ڕۆژی 31ی ئابی به‌سره‌ دوای نوێژی هه‌ینی ده‌ستی پێكرد و هاووڵاتییان داوای خزمه‌تگوزارییه‌ سه‌ره‌تایییه‌كان وه‌كوو ئاوی خواردنه‌وه‌ و كاره‌بای نیشتمانی ده‌كه‌ن.

سه‌رچاوه‌: K24

کۆدی هه‌واڵنێر: 60103