به‌پێی هه‌واڵی کوردپرێس، ڕاكان سه‌عید جبووری پارێزگاری كه‌ركووک به‌وه‌كاله‌ت به‌ هه‌واڵده‌ریی ئه‌نادۆڵوی ڕاگه‌یاندوووه‌: به‌پێی ڕێككه‌وتنێک له ‌نێوان به‌رپرسانی هه‌ولێر و به‌غدا ده‌ست كراوه‌ به‌ دروست كردنی پردێكی ئاسنین له‌ ڕێگه‌ی هاتوچۆی ‌نێوان که‌رکووک و هه‌ولێر.

ڕێگه‌ی هاتوچۆی نێوان هه‌ولێر و به‌غدا له‌ تشرینی یه‌كه‌می 2017 به‌ هۆی ناكۆكیی سه‌ربازیی نێوان هه‌رێمی كوردستان و حكوومه‌تی ناوه‌ندی داخرا.

به ‌وته‌ی پارێزگاری که‌رکووک به‌وه‌كاله‌ت ئه‌ركی دروست كردنی ڕێگه‌ی که‌رکووک-هه‌ولێر به‌ هاوبه‌شی له‌ نێوان پارێزگای هه‌ولێر و به‌ڕێوه‌به‌رایه‌تیی ڕێگه‌وبانی که‌رکووک ده‌بێت.

ڕاكان سه‌عید جبووری ڕاشی‌گه‌یاند: ئه‌ركی كۆنتڕۆڵ كردنی ئاسایشی ڕێگه‌كه‌ش به‌پێی ڕێککه‌وتنێک له‌ ئه‌ستۆی هێزه‌كانی پۆلیسی فیدڕاڵ و پێشمه‌رگه‌ ده‌بێت.

کۆدی هه‌واڵنێر: 60103