کوردپرێس- به گوێره‌ی ڕاگه‌یێندراوێکی سوپای تورکیا که ڕۆژنامه‌ی حورییه‌ت بڵاوی کردۆته‌وه: "ڕۆژی دووشه‌ممه 13ی ئاب سوپای ئه‌مه‌ریکا و تورکیا 29هه‌مین ئۆپه‌راسیۆنی سه‌ربازیی هاوبه‌شیان له مه‌نبه‌ج ئه‌نجام داوه و ئامانجیش لێی وه‌ده‌رنانی هێزه‌کانی یه‌په‌گه بوووه."
له 18ی مانگی شه‌شه‌وه، ئه‌مه‌ریکا و تورکیا چه‌ندین مانۆڕ و چالاکیی هاوبه‌شیان له شاری مه‌نبه‌ج ئه‌نجام داوه و تاکه مه‌به‌ستی تورکیاش دوورخستنه‌وه‌ی هێزه‌کانی یه‌په‌گه و په‌یه‌ده‌یه که تورکیا به "تیرۆرست" ناویان ده‌بات.
له‌لایێکی دیکه‌وه و به گوێره‌ی هه‌واڵێکی ئاژانسی ئه‌نادۆڵو، به دوای ته‌واوبوونی ئۆپه‌راسیۆنی هاوبه‌شی مه‌نبه‌ج، تورکیا و ئه‌مه‌ریکا کاری هاوبه‌شی زیاتر له سووریا ئه‌نجام ده‌ده‌ن.
سه‌رچاوه: K24
کۆدی هه‌واڵنێر: 60103
Your Comment