به‌پێی هه‌واڵی کوردپرێس، باربارا ڤۆڵف کونسووڵی ئه‌ڵمانیا له ھه‌رێمی کوردستان ڕای‌گه‌یاند: له ساڵی 2015ه‌وه ھاوکاریی ھێزی پێشمه‌رگه‌یان کردوووه به‌تایبه‌تی له بواری مه‌شق و ڕاھێنانی سه‌ربازی و دابین کردنی پێداویستییه‌کانی‌تر.
ناوبراو وتیشی: له‌سه‌ر خواستی لایه‌نی کوردی، ده‌سته‌یێکی ھاوبه‌ش له ئه‌ڵمانیا و به‌ریتانیا و ئه‌مریکا له ناو وه‌زاره‌تی پێشمه‌رگه پێکھێنراوه به مه‌به‌ستی کارکردن له‌سه‌ر دۆسێی چاکسازی له وه‌زاره‌تی پێشمه‌رگه‌دا و 35 خاڵیان بۆ چاكسازی له وه‌زاره‌تی پێشمه‌رگه دیاری كردوووه.
کونسووڵی ئه‌ڵمانیا ئاماژه‌ی به‌وه کرد: ھه‌رچه‌نده داعش له ناوچه‌که‌دا کۆتایی ھاتوووه، له‌گه‌ڵ ئه‌وه‌شدا ھاوکارییه‌کانیان بۆ ھێزی پێشمه‌رگه و له داھاتووشدا بۆ سوپای عێراق به‌رده‌وام ده‌بێت.
سه‌رچاوه: میلله‌ت پرێس
کۆدی هه‌واڵنێر: 60103
Your Comment