به‌پێی هه‌واڵی کوردپرێس، له‌ ڕاگه‌يه‌ندراوێكى پارێزگاى هه‌ولێردا هاتوووه‌: "ڕۆژی دووشه‌ممه‌ 13ی ئاب نه‌وزاد هادى پارێزگاری هه‌ولێر پێشوازى كرد له‌ مورته‌زا عه‌بادى كونسووڵى گشتیی كۆماری ئیسلامیی ئێران له ‌هه‌ولێر و شاندى یاوه‌ری."

له‌ دیداره‌كه‌دا جه‌خت كرایه‌وه‌ سه‌ر په‌یوه‌ندیی دۆستانه‌ى نێوان هه‌ولێر و تاران و بره‌ودان به‌و هه‌ماهه‌نگى و كاركردنه‌ پێكه‌وه‌ييه‌ و له‌مباره‌یه‌وه‌ شاندى ميوان سوپاسی پارێزگاری هه‌ولێریان كرد.

له‌ به‌شێكى ديكه‌ى ڕاگه‌يه‌ندراوه‌كه‌دا هاتوووه‌: "پارێزگاری هه‌ولێر تیشكى خسته‌ سه‌ر گرنگى و كاریگه‌ریی پته‌و كردنى په‌یوه‌ندییه‌ دۆستایه‌تیيه‌كان و پێكه‌وه‌ كاركردنى نێوانى هه‌ردوولا له‌ گشت بواره‌كان به‌تایبه‌ت بواره‌كانى فه‌رهه‌نگى و كلتووری و ڕۆشنبیری و هه‌مدیسان سوپاسگوزاری كونسووڵى گشتیى ئێرانى كرد كه‌ هاریكاره‌ له‌وباره‌یه‌وه."

سه‌رچاوه‌: K24

کۆدی هه‌واڵنێر: 60103