بەپێی هەواڵی کوردپرێس، به‌گوێره‌ی راگه‌یه‌ندراوێکی وه‌زاره‌تی ده‌ره‌وه‌ی عێراق، فوئاد حسێن وه‌زیری ده‌ره‌وه و شاندی یاوه‌ری به‌سه‌ردانێک دەگاتە تاران و له‌گه‌ڵ ئیبراهیم ڕه‌یسی، سه‌رۆک کۆماری ئێران و ژماره‌یه‌ک له به‌رپرسانی ئه‌و وڵاته کۆ ده‌بنه‌وه.
ئه‌وه‌شخراوه‌ته‌ڕوو، وه‌زیری ده‌ره‌وه‌ی عێراق له‌باره‌ی چه‌ند ته‌وه‌رێکی په‌یوه‌ست به په‌یوه‌ندییه دوقۆڵییه‌کان و دۆخی ئه‌منی ناوچه‌که گفتوگۆ له‌گه‌ڵ به‌رپرسانی ئێران ده‌کات، هه‌روه‌ها نامه‌یه‌کی بانگهێشنامه‌ی مسته‌فا کازمی راده‌ستی سه‌رۆکی ئێران ده‌کات، به‌مه‌به‌ستی به‌شداری کردنی له کۆبوونه‌وه‌ی لوتکه‌ی وڵاتانی دراوسێی عێراق له به‌غدا.
هه‌ر به‌گوێره‌ی راگه‌یه‌ندراوه‌که، قاسم ئه‌عره‌جی راوێژکاری ئاسایشی نیشتمانی، رائد جوحی به‌ڕێوه‌به‌ری نووسینگه‌ی سه‌رۆک وه‌زیران و ئیحسان عه‌وادی سه‌رۆکی به‌شی وڵاتانی دراوسێ له‌وه‌زاره‌تی ده‌ره‌وه یاوه‌ری، فوئاد حسێن بۆ ئێران ده‌که‌ن.
کۆدی هەواڵنێر: 60113
Your Comment