به‌پێی هه‌واڵی کوردپرێس، به‌ختیار ئه‌حمه‌د به‌رپرسێكى یه‌كێتیى هاورده و ناردنكارانى هه‌رێم ده‌ڵێت: "ئه‌گه‌ر قه‌یرانى ئابووریى ئێران به‌رده‌وامى هه‌بێت ئه‌وا كاریگه‌رى له‌سه‌ر په‌یوه‌ندى و ئاڵوگۆڕى بازرگانیی نێوان هه‌رێمی كوردستان و كۆمارى ئیسلامیى ئێران ده‌بێت".
ناوبراو وتیشی: "كۆمارى ئیسلامیى ئێران به بارودۆخێكى نائاسایی ئابووریدا تێده‌په‌ڕێت به‌تایبه‌ت له دواى ئه‌و سزا نوێیه‌ى كه به سه‌ریدا سه‌پێنراوه و ئه‌گه‌ر قه‌یرانه‌كانیش درێژه بكێشێت كاریگه‌رى له‌سه‌ر ئاڵوگۆڕ و په‌یوه‌ندییه بازرگانییه‌كانى نێوان هه‌رێم و ئێران ده‌بێت".
به‌ختیار ئه‌حمه‌د ڕاشی‌گه‌یاند: توركیا ده‌توانێت له‌م دۆخه‌دا جێگه‌ى كۆمارى ئیسلامیی ئێران بگرێته‌وه و نه‌هێڵێت كێشه ئابورییه‌كانى ئێران ببنه هۆكارى دروست بوونى قه‌یران له هه‌رێمدا.
سه‌رچاوه: ڕادیۆ نه‌وا
کۆدی هه‌واڵنێر: 60103
Your Comment