بەپێی هەواڵی کوردپرێس، سامان بەرزنجی، وەزیری تەندروستیی حکوومەتی هەرێمی کوردستان رایگەیاندووە: دوای رووداوەکە پەیوەندی بە وەزارەتی تەندروستیی عێراق، پارێزگاری زیقار و فەرمانگەی گشتیی تەندروستیی زیقار کردووە و ئامادەیی وەزارەتەکەی بۆ فریاگوزاری و ناردنی هەر پێداویستیەکی پزیشکی و پێشوازی کردن لە بریندارانی رووداوەکە لە نەخۆشخانەکانی هەرێمی کوردستان، نیشان داوە.

شایانی باسە درەنگانی شەوی دووشەممە 12-7-2021، ئاگرێکی گەورە لە نەخۆشخانەی ئیمام حوسێن، کە تایبەتە بە چارەسەرکردنی تووشبووانی پەتای کۆرۆنا لە ناسریە، کەوتەوە و بەهۆیەوە 114 نەخۆش و هاوەڵی نەخۆش، بە سووتان گیانیان لەدەست دا و ژمارەیەکی دیکەش بریندار بوون.

کۆدی هەواڵنێر: 60113