به‌پێی هه‌واڵی کوردپرێس، د. فرسه‌ت سۆفى ئه‌ندامى فراكسیۆنى پارتى له په‌رله‌مانى كوردستان دووپاتی كرده‌وه: بچووک كردنه‌وه‌ى هه‌یكه‌لیه‌تى حكوومه‌تى هه‌رێم خاڵی گرنگى چاكسازییه و به‌مه‌ش بارقورسییێكى گه‌وره له سه‌ر شانى حكوومه‌ت لاده‌چێت له زۆرى وه‌زاره‌ت و به‌ڕێوبه‌رایه‌تیی گشتى و خه‌رجییه‌كانى.
ناوبراو ڕاشی‌گه‌یاند: لیژنه‌ى باڵاى تایبه‌ت به‌م پرۆژه‌یه كاره‌كانى خۆى ته‌واو كردوووه و گه‌یشتوونه‌ته شێوازى هه‌یكه‌لیه‌تێكى گونجاو له‌گه‌ڵ پێكهاتى شیدارى و جوگرافى هه‌رێم بۆ ئه‌وه‌ى بدرێته خولى داهاتووى په‌رله‌مان بۆ په‌سه‌ند كردنى.
په‌رله‌مانتاره‌كه‌ى پارتى جه‌ختى له‌وه‌ش كرده‌وه به جێبه‌جێ كردنى پرۆژه‌ى بچووک كردنه‌وه‌ى هه‌یكه‌لیه‌تى حكوومه‌ت، كاره‌كانى حكوومه‌تى هه‌رێم رێكوپێكتر ده‌بن و هاوكات خه‌رجیه‌كانیشى تا ڕاده‌ى نیوه كه‌م ده‌بنه‌وه.
سه‌رچاوه: ڕادیۆ نه‌وا
کۆدی هه‌واڵنێر: 60103
Your Comment