به‌پێی هه‌واڵی کوردپرێس، ئاری جه‌لال سه‌رپه‌رشتیاری فیدراسیۆنی سه‌رانسه‌ری په‌نابه‌رانی عێراق ڕای‌گه‌یاند: ته‌نها له ‌سه‌ره‌تای ئه‌مساڵه‌وه‌ نزیكه‌ی 24 هه‌زار هاووڵاتیی هه‌رێم به‌ شێوه‌ی قاچاخ و یاسایی كۆچیان كردوووه‌.

ناوبراو ئاماژه‌ی به‌وه‌ش كرد: له‌ مانگی 8 بۆ 12ی ساڵی 2017 به‌هۆی كاریگه‌ریی ڕیفراندۆم ‌و ڕووداوه‌كانی 16ی ئۆكتۆبه‌ر و هاتنی حه‌شدی شه‌عبی ‌و سوپای عێراق بۆ ناوچه‌ جێناكۆكه‌كان نزیكه‌ی 50 هه‌زار كه‌س هه‌رێمیان جێهێشتوووه‌.

به‌پێی ئاماره‌كه‌ی فیدراسیۆنی په‌نابه‌ران، له‌ مانگی 8ی ساڵی 2017ه‌وه‌ هه‌تا مانگی 6ی ئه‌مساڵ زیاتر له‌ 73 هه‌زار ‌و 609 كه‌س ڕوویان له‌ وڵاتانی ئه‌ورووپا و ئه‌مریكا كردوووه‌ و له‌ ساڵی 2014 تا ساڵی 2018 نزیكه‌ی 550 هه‌زار هاووڵاتیی هه‌رێم داوای مافی په‌نابه‌رییان پێشكه‌ش به‌ وڵاتانی ئه‌ورووپا‌ و ئه‌مریكا كردوووه‌.

سه‌رچاوه‌: KNN

کۆدی هه‌واڵنێر: 60103