«نافێع عەبدوڵڵا» ئەندامی لیژنەی ناوەندیی پارتی دیموکراتی کوردستانی سووریا (PDK.S) لە گفتوگۆ لەگەڵ کوردپرێسدا ئاماژەی دا بە بەردەوامیی ناکۆکییەکانی نێوان پەکەکە و پارتی کاریگەریی ئەو ناکۆکییە لەسەر پڕۆسەی دانوستانی ئاشتیی نێوان حزبە کوردیەکانی سووریا و وتی: بێ گومان ئەو ناکۆکییە کارتێکەریی دەبێت بەڵام ئەم ناکۆکییە بەهۆی بوونی ئەمریکا وەکوو گەرەنتیکەری ئەنجامی دانوستانەکان، نابێتە هۆی وەستانی ئخم پڕۆسەیە.
ناوبراو درێزەی دا: ئەمریکا بەڵێنی داوە بەم زووانە دانوستانەکان دەست پێبکەنەوە و چاودێریی ورد لەسەر پڕۆسەی بەڕێوەچوونی دەکات.
نافێع عەبدوڵڵا وتیشی: ئەنجومەنی نیشتمانیی لەم ماوەیەدا جگە لە کۆبوونەوە لەگەڵ شاندی ئەمریکی لەگەڵ شاندێکی فەڕەنسی لەبارەی دەست پێکردنەوەی دانوستانەکان کۆ بووەتەوە.
ئەندامی لیژنەی ناوەندیی پارتی دیموکراتی کوردستانی سووریا (PDK.S) ڕاشیگەیاند: هیوادارین ئەمریکا گوشار لەسەر پەیەدە و حزبەکانی یەکێتیی نیشتمانی دروست بکات کە پێبەندی ئەنجامی دانوستانەکان بن.
کۆدی هەواڵنێر: 60113
Your Comment