بەپێی هەواڵی کوردپرێس، له په‌یامی پیرۆزبایی نه‌ورۆزیی نێچيرڤان بارزانى، سەرۆکی هەرێمی کوردستاندا هاتووە: به‌ ڕێز و پێزانینێکی زۆره‌وه له په‌یوه‌ندی دێرین و هاوکاری دۆستانه‌ی ئێران و هه‌رێمى كوردستان ده‌ڕوانین.

بارزانی دەشڵێت: هیوای کامه‌رانی و سه‌رکه‌وتنان بۆ ده‌خوازم. هیوادارم نه‌ورۆز، جه‌ژنی هاوبه‌شی ئێمه‌ و میلله‌تانی ناوچه‌که، ئارامی و ئاسووده‌یی و سه‌قامگیری بۆ هه‌مووان له‌گه‌ڵ خۆیدا بهێنێت و به خێر و خۆشیی بۆ هه‌مووان بگه‌ڕێته‌وه.
لەدرێژەدا هاتووە له کاتێکدا به‌ ڕێز و پێزانینێکی زۆره‌وه له په‌یوه‌ندیی دێرین و هاوکاریی دۆستانه‌ی کۆماری ئیسلامی ئێران و هه‌رێمى كوردستان ده‌ڕوانین. له‌م بۆنه‌یه‌دا ئاماده‌یی و خواستی خۆمان بۆ په‌ره‌پێدانی زیاتر و فه‌راوانکردنی هاوکاریی نێوانمان له‌سه‌ر بنه‌مای ڕێز و دراوسێیه‌تی باش و هه‌روه‌ها به‌رژه‌وه‌ندیی هاوبه‌ش دووپات ده‌که‌‌ینه‌وه‌.