بەپێی هەواڵی کوردپرێس، ئاژانسی ئەنادۆڵی تورکیا لەزاری سەرۆک کۆماری تورکیاوە  وتوویەتی: "ئەمە دوا هەڵبژاردنی منە و بەگوێره‌ى ئەو ڕێپێدانەی کە یاسا پێی بەخشیوم، ئەمە دوا هەڵبژاردنی منە، ئەو ئەنجامەی لە هەڵبژاردنەوە دەردەچێت، گواستنەوەی میراتەکەیە بۆ براکانم، کە لەدوای منەوە دێن".

ڕەجەب تەییب ئەردۆغان، ئەو سیاسەتمەدارەی کە زۆرترین سەرکەوتنی لە هەڵبژاردنەکاندا لە مێژوی مۆدێرنی تورکیادا بەدەستهێناوە، زیاتر لە دوو دەیە سەرکردایەتیی وڵاتەکەی دەکات.

ئەردۆغان لە ساڵی ۲۰۰۲وە تائێستا زیاتر لە ۱۲ هەڵبژاردن سەرکەوتنی بەدەستهێناوە و لە دوایین هەڵبژاردندا کە مانگی ئایاری ۲۰۲۳ بەڕێوەچوو، بۆ ماوەی پێنج ساڵ جارێکی دیکە بە سەرۆکی تورکیا هەڵبژێردرایەوە.