هێرشی گرووپە چەکدارەکان بۆسەر هاوپەیمانان لە عێراق دەرهاویشتەی خراپی دەبێت

بەشی عێراق و هەرێمی کوردستان- ئەمینداری پێشووی وەزارەتی پێشمەرگە ڕایگەیاند، هێرشی گرووپە چەکدارەکان ململانێی ئەمریکا و ئێرانە لە عێراقدا.

بەپێی هەواڵی کوردپرێس، جەبار یاوەر ئەمینداری پێشووی وەزارەتی پێشمەرگە بە دەنگی ئەمریکای ڕاگەیاند، کورد نەبووەتە لایەنگری هیچ لایەک و توانای کپ‌کردنی ئەم ململانییەی نیە، بەڵکوو تەنها دەتوانێت داوا لە حکوومەتی فیدراڵ بکات تا کۆنترۆڵی ئەو گرووپە چەکدارانە بکات کە هەرچەندە تا ئێستا نەیتوانیوە کۆنترۆڵیان بکات، تەنانەت وای لێهاتووە دەسەڵاتدارانی عێراق ناوی ئەو گرووپانە بە تیرۆریست بهێنن.

ئاماژەی بەوەش کرد، هێرشی گرووپە چەکدارەکان بەگشتی پەیوەندی بە ململانێی نێوان ئێران و ئەمریکا هەیە لەناوچەکە دا، چ لە عێراق بێت یاخود سووریا یا لوبنان و کەنداو، لەلایەکی تر پەیوەندی بە شەڕی نێوان فەلەستین و ئیسرائیل هەیە، بیانوی ئەو گرووپە چەکدارانە بەتایبەت ئەو گرووپەی کە ناوی خۆیان ناوە "مەقاوەمەی ئیسلامی" کە پشتیوانی حەماس دەکەن، ئەوەیە کە ئەمریکا پشتیوانێکی گەورەی ئیسرائیلە.

ئەوەشی خستەڕوو، ئەو هێرشانە بێ‌گومان دەرهاویشتەی خراپی دەبێت و کاریگەری هەیە لەسەر ئاسایشی عێراق بەگشتی و ناوچەکەش بەتایبەت، هەروەها کاریگەری لەسەر دەروونی خەڵک هەیە و جێگا مەترسیە، لەگەڵ ئەوەشدا بووەتە مایەی زیان گەیاندن بە ڕاگرتنی گەشتە فرۆکەوانیەکان بەتایبەت فڕۆکەخانەی هەولێر.

News Code 222742

Tags

Your Comment

You are replying to: .
captcha