بەپێی هەواڵی کوردپرێس، مارک سترۆ کونسوڵی گشتیی ئەمریکا لە هەرێم ڕایگەیاند، ڕاگرتنی هەناردەکردنی نەوتی هەرێم کاریگەریی خراپی بۆ سەر داهات و کەرتی گشتی هەبووە.

لەبارەی پرسی دەستپێکردنەوەی هەناردەی نەوت و دەرکردنی ڕەشنووسی پرۆژە یاسای نەوت و گازی فیدڕاڵی باسی لەوە کرد، لە نزیکەوە بەدواداچوون بۆ پرۆسەی دەستپێکردنەوەی هەناردەی نەوتی هەرێم دەکەن.

هاوکات لە کۆبوونەوەی لەگەڵ کەمال محەمەد ساڵح وەزیری کارەبا و سامانە سروشتییەکان، ئاماژەی بەوە کرد، چارەسەرکردنی کێشەی داهات و پەسەندکردنی یاسای نەوت و گاز لە کارە لەپێشینەییەکانی سیاسەت و بەرنامەی ئەمریکا دەبێت.