بەپێی هەواڵی کوردپرێس، ئاژانسی هه‌واڵى ڕۆیتەرز ئاشکرای‌کرد، ئەمڕۆ یەکشەممە بەسێ کاتیۆشا بنکەی سەربازیی عەین ئەسەد بۆردوومان کرا دوو سەرچاوەی سەربازیش تەقینەوەکانیان پشت ڕاست کردەوە.

تائێستا قەبارەی زیانە گیانی ‌و مادییەکانی هێرشەکەی سەر بنکەی عەین ئەسەد ئاشکرا نەکراوە و هیچ گرووپێکیش بەرپرسیارێتی خۆی لەئەنجامدانی هێرشەکە نەگرتۆتە ئەستۆ.

ئەمە جاری چوارەمە لەماوەی دوو هەفتەدا بنکەی عەین ئەسەد لە پارێزگای ئەنبار کە ۶۴ کیلۆمه‌تر له ‌باکووری به‌غداوە دووره‌ هێرشی بکرێتەسەر و دوایین هێرش لەڕێگەی دوو درۆنەوە ئەنجامدرا.