بەپێی هەواڵی کوردپرێس، وه‌زاره‌تی به‌رگریی توركیا بڵاوی كرده‌وه‌: ئه‌مڕۆ پێنجشه‌مە یه‌شار گوله‌ر وه‌زیری به‌رگریی توركیا پێشوازیی له‌ سابت ئه‌لعه‌باسی وه‌زیری به‌رگریی عێراق كرد.

وه‌زیری به‌رگریی عێراق شه‌وی ڕابردوو به‌ یاوه‌ری شاندێكی باڵای سه‌ربازی گه‌یشتبووه‌ ئه‌نقه‌ره‌ و باڵیۆزخانه‌ی عێراق له‌ ئه‌نقه‌ره‌ پێشتر له‌ به‌یاننامه‌یه‌كدا ڕایگه‌یاندبوو كه‌ وه‌زیری به‌رگری وڵاته‌كه‌یان له‌گه‌ڵ هاوتا توركییه‌كه‌ی تاوتوێی چه‌ندین بابه‌ت ده‌كات له‌وانه‌ بابه‌ته‌كانی ئه‌منی و به‌رگری و هه‌ماهه‌نگی زیاتری سه‌ربازی و پیشه‌سازی به‌رگری له‌نێوان هه‌ردوو وڵاتدا.