بەپێی هەواڵی کوردپرێس، ئاژانسی ئانادۆڵۆی تورکیا بڵاوی کردەوە میت دوای بەدواداچوون‌کردن بۆ بەرپرسە باڵاکانی پەکەکە، ماوەیەک لەمەوبەر ئۆپەراسیۆنێکی لە باکووری عێراق ئەنجام دا، دەرکەوت ئەدیب تەمیز کە ناوی نهێنیی (جەسور ئازاد)ە و لە ئۆپەراسیۆنەکەی میتدا کوژراوە کە بەرپەرسی قەندیلی شانەی هێزی تایبەتی پەکەکە بووە.
تەمیز کە لە ماوەی رابردوودا لە شانەی هێزی تایبەتی پەکەکەدا راهێنانی ئایدیۆلۆجی و تەکنیکی وەرگرتووە لە عێراق راهێنانی بە یەکەکانی پەرەپێدانی چەک و تەقەمەنی کردووە، هاوکات بەرپرسی ئەو تیمە بووە کە چەک و ئامێری تاکتیکی نوێیان بۆ پەکەکە بەرهەم هێناوە.
تەمیز کە نزیکەی ٢٠ ساڵە چووەتە رێزەکانی پارتی کرێکارانی کوردستانی تورکیا لە ئەنجوومەنی سەربازیی ئەو گرووپەدا پۆستێکی باڵای هەبووە.
Your Comment