بەپێی هەواڵی کوردپرێس، سینان ئۆغان کاندیدی دەرنەچووی هاوپەیمانی ئاتا لە گەڕی یەکەمی هەڵبژاردنی سەرۆکایەتی تورکیا لە کۆنگرەیەکی رۆژنامەوانیدا ڕایگەیاند؛ بۆ گەڕی دووەمی هەڵبژاردنەکان پشتیوانی ڕەجەب تەییب ئەردۆغان، کاندیدی هاوپەیمانیی جمهوور دەکەن.
ئەوە لە کاتێکدایە لە خولی یەکەمی هەڵبژاردنی سەرۆک کۆمار و پەرلەمانی تورکیا، ئەردۆغان ۴۹.۵۲٪ـی دەنگەکان و کەمال کڵچدارئۆغڵو، سەرۆکی جەهەپە و کاندیدی هاوپەیمانیی میللەت ۴۴.۸۸٪ـی دەنگەکانیان بەدەست هێنا، بەوەش هیچ یەکێک لە کاندیدەکان رێژەی ۵۰+۱ـی دەنگەکانیان بەدەست نەهێنا و هەڵبژاردنەکە خرایە گەڕی دووەم کە بڕیارە ۲۸ی ئەم مانگە بەڕێوە بچێت.
Your Comment