کوردپرێس:

بەپێی راگەیێندراوی ژمارە 454ـی تەندروستی، لە هەولێر زۆرترین پشکنین کراوە، لە سلێمانیش لە کۆی دوو هەزار و 161 پشکنین، 253 تووشبووی کۆرۆنا تۆمارکراون کە زۆرترین تووشبووی کۆرۆنایە لە هەرێمی کوردستان لە 24 کاژێری رابردوو.

لەکۆی نۆ تووشبووی کۆرۆناش کە گیانیان لەدەستداوە، چوار تووشبوویان لە دهۆک بوون، دوو تووشبوو لە هەولێر و دوو تووشبوو لە سلێمانی، تووشبوویێکیش لە گەرمیانە.

ژمارەی تووشبووانی کۆرۆنا لە سەرەتای بڵاوبوونەوەی ڤایرۆسەکە لە هەرێمی کوردستان 166 هەزار و 702 کەسن کە 151 هەزار و 501 تووشبوویان چاکبوونەتەوە. هاوکات چوار هەزار و 238 تووشبوو گیانیان لەدەست داوە.