بەپێی هەواڵی کوردپرێس، وتەبێژی وەزارەتی دەروەی ئێران ڕایگەیاند: ئەمڕۆ هەینی 21ی سەرماوەزی 1399 باڵیۆزی تورکیا لە تاران لەلایەن بریکاری وەزیر و بەڕێوەبەری گشتیی ئووراسیاوە بانگهێشتی وەزارەتی دەروە کراوە و وێڕای ڕاگەیاندنی ناڕەزایی توند، بۆ باڵیۆزی تورکیا جەخت کراوەتەوە کۆماری ئیسلامیی ئێران خوازیارە بەزووترین کات دەوڵەتی تورکیا ڕوونکردنەوە لەو بارەوە بدات.

خەتیب زادە زیاتر وتی: لەو بانگهێشت کردنەدا بە باڵیۆزی تورکیا ڕاگەیێندراوە کە سەردەمی ئیدیعای خاک و ئیمپراتووریەتە شەڕ هەڵگرسێنەکان ساڵەهایە کۆتایی هاتووە.

وتەبێژی وەزارەتی دەرەوەی ئێران ڕاشیگەیاند: بۆ باڵیۆزی تورکیا جەخت کراوەتەوە کۆماری ئیسلامیی ئێران مۆڵەت بە هیچ کەس و لایەنێک نادات دەستوەردان لە سەروەریی خاکی وڵاتەکەی بکات بەو شێوەیە مێژوو شایەتی دەدات لەسەر ئاسایشی خۆی چاوپۆشی لەکەس ناکات.

کۆدی هەواڵنێر: 60113