بەپێی هەواڵی کوردپرێس، جوان مستەفا، هاوسەرۆکی هاوبەشی دەسەڵاتی تەندروستی خۆبەڕێوەبەریی باکوور و رۆژهەڵاتی سووریا لە راگەیەندراوێکدا بڵاوی کردەوە، 21 تووشبووی کۆرۆنا دەستنیشان کراون، کە 8 کەس لە حەسەکە، 5 کەس لە شارۆچکەی گرکێ لەگی، 4 کەس لە قامیشلۆ، 3 کەس لە دێرک، یەک حاڵەتیش لە عامودا بوون.

جوان مستەفا ئاماژەی بەوەش کردووە، لە 24 کاتژمێری رابردودا 11 کەس ڤایرۆسی کۆرۆنایان پەڕاندوە و چاک بوونەتەوە.

بەپێی ئامارەکانی دەسەڵاتی تەندروستی خۆبەڕێوەبەریی باکوور و رۆژهەڵاتی سووریا، 840 تووشبووی کۆرۆنا دەستنیشان کراون و 46 کەسیش گیانیان لەدەست داوە و تا ئێستاش 282 کەس ڤایرۆسەکەیان پەڕاندووە.

کۆدی هەواڵنێر: 60113