بەپێی هەواڵی کوردپرێس، لیوا ته‌حسین خه‌فاجى وته‌بێژى فه‌رمانده‌یی پرۆسه هاوبه‌شه‌کان له لێدوانێکى رۆژنامه‌وانیدا رایگه‌یاندووه، ئه‌مڕۆ یه‌ک شه‌ممه هاوپه‌یمانى نێوده‌وڵه‌تى پێگه‌ى ژماره 8ى له سه‌ربازگه‌ى تاجى له باکوورى به‌غدا راده‌ستى هێزه عێراقییه‌کان کردووه.
ئه‌وه‌شى روونکردوه‌ته‌وه، پێگه‌که بۆ راهێنان و ئاماده‌کردنى کادرى عێراقى له‌لایه‌ن هێزه‌کانى ئوسترالیا و نیوزله‌ندا و ئه‌مریکاوه به‌کارده‌هێنرا، دواى راده‌ست کردنیشى پێگه‌که له‌لایه‌ن هێزه ئه‌منییه‌کانى عێراقه‌وه به‌کارده‌هێنرێت.
لیوا ته‌حسین خه‌فاجى باسى له‌وه‌ش کردوه، دواى ته‌واوبوونى ئه‌رکه‌کانى هاوپه‌یمانێتیى نێوده‌وڵه‌تى پێگه‌که راده‌ستکراوه، به ئاماده‌بوونى نوێنه‌رى سه‌رۆک وه‌زیران په‌ڕاوى راده‌ستکردنه‌که واژۆ کراوه.
کۆدی هەواڵنێر: 60113
Your Comment