بەپێی هەواڵی کوردپرێس، ڕۆژی هەینی 21 ئابی 2020 وەزیری تەندروستیی تورکیا، فەخرەدین کۆجا ڕایگەیاند: ئەمڕۆ 1 هەزار و 412 حاڵەتی تووشبوون بە ڤایرۆسی کۆرۆنا تۆمار کراوە، بەمەش ژمارەی گشتیی تووشبووان گەیشتە 254 هەزار و 520 کەس.

هەروەها راگەیەندرا لە تورکیا لە ماوەی ٢٤ کاتژمێری رابردوودا، 19 کەس گیانیان لەدەست داوە و کۆی گشتیی ئەوانەی گیانیان لەدەست داوە گەیشتە 6 هەزار و 58 کەس.

وەزیری تەندروستیی تورکیا ڕاشیگەیاندووە ڕێژەی پشکنینەکان بۆ دۆزینەوەی تووشبووان لە 41 هەزارەوە گەیشتۆتە 92 هەزار.

کۆدی هەواڵنێر: 60113