بەپێی هەواڵی کوردپرێس، عه‌دنان عوسمان، سکرتێری جڤاتی نیشتیمانی بزووتنەوەی گۆڕان له نووسینێكیدا پیشتگیری له بانگەوازێکی سەرۆکی فراکسیۆنی گۆڕان لە پەرلەمانی کوردستان دەکات، کەداوای هەڵوێستی کردبوو لەسەر قۆرخکاری و قاچاخی خاڵە سنورییەکان.
سکرتێری جڤاتی نیشتیمانی و وتەبێژی بزووتنەوەی گۆڕان ده‌ڵێت: "‏ئەمە زەنگێکی مەترسیداری گەورەیە. ئەمە سەرەتایێکە بۆ فەرهودێکی رێکخراوانە و ئاشکرایانەی داهاتی نیشتمان و برابەش کردنی لە نێوان دەسەڵاتداراندا".
هه‌روه‌ها ئه‌وه‌شی وتووه "بەردەوامی ئەمە و چارەسەرنەکردنی، ئاماژەیە بۆ نەبوونی ئیرادە و بوونی پاڵپشت و پشتگیریش".
هاوكات جه‌خت له‌وه ده‌كاته‌وه "بەهیچ شێوەیێک ناکرێ بێدەنگ بین. ئەمە خاڵی یەکلاکەرەوەیە".
کۆدی هەواڵنێر: 60113
Your Comment