بەپێی هەواڵی کوردپرێس، شانه‌ی راگه‌یاندنی ئه‌منی عێراق بڵاویكرده‌وه، رۆژی شه‌ممه له میانی به‌ڕێوه‌چوونی قۆناغی چواره‌می ئۆپراسیۆنی پاڵه‌وانه‌كان له دیاله كه بۆ راوه‌دوونانی چه‌كدارانی داعش ده‌ستیپێكردووه، دوو بۆمب به هێزه‌كانی حه‌شدی شه‌عبی و دژه‌تیرۆردا ته‌قیونه‌ته‌وه.
راشیگه‌یاند، له ته‌قینه‌وه‌ی یه‌كه‌مدا بۆمبێكی چێنراو به كاروانی ئۆتۆمبێله‌كانی حه‌شدی شه‌عبیدا ته‌قیوه‌ته‌وه و به هۆیه‌وه سێ چه‌كداریان كوژراون و پێنجی تریشیان برینداربوون.
ئاماژه‌ی به‌وه‌ش كردووه، ته‌قینه‌وه‌ی دووه‌میش له رێگه‌ی بۆمبی چێنراوه‌وه بووه و هێزێكی دژه‌تیرۆر كراوه‌ته ئامانج و به هۆیه‌وه دوو ئه‌ندامی ئه‌و هێزه برینداربوون.
کۆدی هەواڵنێر: 60113
Your Comment