کوردپرێس:

ئاژانسی هەواڵی CNN TURK لە زاری سەرچاوە خۆجێیییەکانەوە ڕایگەیاند بۆمبێکی چێندراو لە ئوتومبێلێک لە سەنتەری شاری گرێسپی تەقیوەتەوە و بەو هۆیەشەوە 6 هاووڵاتیی مەدەنی کوژراون کە 3 کەسیان منداڵن.

هەر بە پێی هەواڵەکەی ئەو ئاژانسە تورکییە لە تەقینەوەکەدا 7 کەسی دیکەش بریندر بوون کە باری تەندروستیی 4 کەسیان ناجێگیر بووە و گوازراونەتەوە بۆ ناوخۆی تورکیا.

هێزەکانی سەر بە تورکیا دەڵێن ئەگەری زۆرە تەقینەوەکە کاری هێزەکانی یەپەگە بووبێت بەڵام هیچ بەڵگەیێک بۆ ئەو تۆمەتە لە بەردەستدا نیە.

شایانی باسە ئەکتەوبری 2019 تورکیا بۆ جاری دووهەم هەڵیکوتایە سەر کوردەکانی سووریا و پاش کشانەوەی ئەمریکا لە ناوچەی ژێردەسەڵاتی کورد، زەمینە بۆ داگیرکردنی گریسپی و سەرێکانی فەراهەم بوو و ناوچەکە کەوتە ژێر دەسەڵاتی تورکیا.