بەپێی هەواڵی کوردپرێس، ڕۆژی یەکشەممە 15ی پووشپەڕی 1399 سیما سادات لاری وتەبێژی وەزارەتی تەندروستیی ئێران لە لێدوانێکدا دوایین ئامارەکانی لەبارەی کۆرۆناوە ڕاگەیاند و بەو پێیەش لە ماوەی 24 کاتژمێری ڕابردوودا 2 هەزار و 560 حاڵەتی نوێی تووشبوون تۆمار کراوە کۆی گشتیی تووشبووان گەیشتە 240 هەزار و 438 حاڵەت.

هەر بە وتەی سادات لاری لە ماوەی 24 کاتژمێری ڕابردوودا 163 حاڵەتی مردن بە هۆی کۆرۆنا تۆمار کراوە و کۆی قوربانییانی کۆرۆنا تا ئەم کاتە گەیشتۆتە 11 هەزار و 571 کەس.

شایانی باسە وتەبێژی وەزارەتی تەندروستی ئاشکراشی کرد کە تا ئێستا 201 هەزار و 303 کەس نەخۆشییەکەیان تێپەڕاندووە.