بەپێی هەواڵی کوردپرێس، ئه‌مڕۆ پێنجشه‌ممه‌ مه‌سعوود بارزانی له‌گه‌ڵ وه‌زیری به‌رگریی عێراق کۆ بووه‌وه‌، به‌گوێره‌ی ڕاگه‌یه‌ندراوی کۆبوونه‌وه‌که‌ "لە دیدارەکەدا وەزیری بەرگریی عێراق سڵاوی سەرۆک وەزیرانی عێراقی بە بارزانی گەیاند و کورتەیێکی لە بارودۆخی ئەمنی و سیاسیی عێراق و هەڕەشەی تیرۆریستانی داعش لە پارێزگاکانی ناوەندی عێراق خستەڕوو".

هەر لەو کۆبوونەوەیەدا جەخت لەسەر هەماهەنگیی نێوان هەرێمی کوردستان و حکوومەتی عێراق لە ڕووبەڕووبوونەوەی تیرۆر و هەروەها برەودانی کولتووری پێکەوەژیانی نێوان پێکهاتەکان کرایەوە.

لەم دیدارەدا مه‌سعوود بارزانی هیوای سەرکەوتنی بۆ وەزیری بەرگریی عێراق خواست لە ئەرک و کارەکانیدا.

کۆدی هەواڵنێر: 60113