کوردپرێس:
وه‌زاره‌تی ته‌ندروستیی عێراق، ڕۆژی هه‌ینی 29ی ئاداری 2020 رایگه‌یاند، له‌ئه‌نجامی ئه‌و پشكنینانه‌ی ئه‌نجام دراون، 416 تووشبووی نوێی ڤایرۆسی كۆرۆنا ده‌ستنیشان كراون، هه‌روه‌ها شه‌ش كه‌سیش به‌هۆی ئه‌و ڤایرۆسه‌وه گیانیان له ده‌ست داوه، 73 كه‌سیش كه هه‌ڵگری كۆرۆنا بون چاك بوونه‌ته‌وه.
به‌گوێره‌ی ڕاگەیێندراوەکەی وه‌زاره‌تی ته‌ندروستی عێراق، له‌ماوه‌ی 24 كاتژمێری رابردوودا، 416 توشبوی نوێی ڤایرۆسی كۆرۆنا ده‌ستنیشان كراون، كۆی تووشبووانی ڤایرۆسه‌كه‌ش گه‌یشتوه‌ته پێنج هه‌زار و 873 تووشبوو.
وه‌زاره‌تی ته‌ندروستیی عێراق ئه‌وه‌شی خستووه‌ته‌ڕوو، هه‌ر له‌و ماوه‌یه‌دا شه‌ش كه‌س به‌هۆی ڤایرۆسی كۆرۆناوه گیانیان له ده‌ست داوه، كه دوو كه‌سیان له ناوچه‌ی ره‌سافه و سێ كه‌سیشیان له ناوچه‌ی مه‌دینه توبی به‌غداد و یه‌كێكیشیان له به‌سره بوه، به‌وه‌ش كۆی گشتی گیانله‌ده‌ستدان بۆ 185 كه‌س به‌رزبوه‌ته‌وه.
وه‌زاره‌تی ته‌ندروستی و ژینگه ئاماژه‌ی بۆ ئه‌وه‌ش كردووه، هه‌ر له‌ماوه‌ی 24 كاتژمێری رابردوودا، 73 كه‌س كه هه‌ڵگری ڤایرۆسه‌كه بون چاك بوونه‌ته‌وه و نه‌خۆشخانه‌یان جێهێشتوه، كۆی گشتی چاكبووانیش بۆ سێ هه‌زار و 44 كه‌س به‌رز بووه‌ته‌وه.
Your Comment