بەپێی هەواڵی کوردپرێس، رێکخراوی لێبووردنی نێودەوڵەتی لە بەیاننامەیێکدا باس لە هەڕەشەی کۆرۆنا بۆسەر زیندانییە سیاسییەکان لە تورکیا دەکات و کەمپینێکی لەژێر ناوی «هەوڵی دەستبەجێ» بۆ ئازاد کردنی ئەو زیندانییانە دەست پێکردووە.
ڕۆژنامەی دیوار لەمبارەوە زیاتر دەنووسێت لە بەیاننامەکەی رێکخراوی لێبووردنی نێودەوڵەتی-دا هاتووە کەسانێک وەکوو سەلاحەدین دەمیرتاش، ئەحمەد ئالتان، عوسمان کاوالا و سەدان سیاسەتوان و نووسەری دیکە لە زیندانەکانی تورکیادان و لێبووردنی گشتیی کە لە پەرلەمانی تورکیا پەسەند کراو ئەم کەسانەی نەگرتۆتەوە.
لە درێژەدا هاتووە: کۆرۆنا لە تورکیا بە خێرایی تەشەنە دەسێنێت، لە زیندانەکانی تورکیا کە حەشیمەتێکی زۆری لێیە ڕێنماییەکانی تەندروستییان تێدا ڕەچاو ناکرێت و ئەمەش گیانی هەزاران زیندانی خستۆتە مەترسییەوە.
کۆدی هەواڵنێر: 60113
Your Comment