کوردپرێس:

ڕۆژی هەینی 15ی ئاداری 2020 وەزارەتی تەندروستیی سووریا لە بەیاننامەیێکدا ڕایگەیاند 2 حاڵەتی نوێی تووشبوون بە کۆرۆنا لە سووریا دەستنیشان کراوە و تا ئەم کاتە ژمارەی حاڵەتەکانی تووشبوون بە کۆرۆنا گەیشتۆتە 50 حاڵەت.

لە بەیاننامەکەی وەزارەتی تەندروستیی سووریادا ئەوەش نووسراوە کە تا ئەم کاتە 3 حاڵەتی مردن بە کۆرۆنا لە سووریا تۆمار کراوە.

بە پێی میدیای فەرمیی سووریا (سانا) لە 24 کاتژمێری ڕابردوودا 7 تووشبووی کۆرۆنا چاک بوونەتەوە و بەوەش ژمارەی ئەو کەسانەی لە پەتای کۆرۆنا ڕزگاریان بووە گەیشتۆتە 36 کەس.