کوردپرێس:
لە هەفتەی دووهەمی ئاداری 2020دا ڕێکخراوی نەتەوەیەکگرتووەکانڕاگەیاند بە ڕێژەی 30 تەن کەلوپەلی پزیشکی و تەندروستیی ناردووە بۆ ئیدارەی خۆسەری باکووری سووریا و کەلوپەلەکەش گەشتۆتە شاری حەسەکە ئەوەش بەمەبەستی یارمەتیدانی کوردەکانی سووریا لە بەرپەرچدانەوەی ڤایرۆسی کۆرۆنا.
جوان مستەفا هاوسەرۆکی لیژنەی تەندروستیی ئیدارەی خۆسەری باکووری سووریا لە لێدوانێکدا ئەو هەواڵەی ڕەت کردەوە و ڕایگەیاند: ڕێکخراوی تەندروستیی جیهانی هیچ یارمەتییێکی بۆ ئێمە نەناردووە و هیچ پێوەندییێکی لەوبارەیەوە بە ئێمەوە نەکردووە.
شایانی باسە لە ڕاگەیێندراوی ڕێکخراوی نەتەوەیەکگرتووەکاندا نووسرابوو یارمەتییەکەی ئەو ڕێکخراوەیە کە بۆ ئیدارەی خۆسەری باکووری سووریا بە مەبەستی یارمەتیدانیان لە ڕووبەڕووبوونەوەی کۆرۆنا نێردراوە بریتی بووە لە کەلوپەلی پزیشکی و تەندروستی.
Your Comment