بەپێی هەواڵی کوردپرێس، بەدران چیا کورد، جێگری هاوسەرۆکایەتیی ئەنجومەنی جێبەجێکار لە بەڕێوەبەرایەتیی خۆسەر لە باکوور و رۆژهەڵاتی سووریا بە تۆڕی میدیایی رووداوی راگەیاندووە "حکوومەتی سووریا ئامادەنییە لەگەڵ هیچ لایەنێک دیالۆگ بکات بەمەبەستی دۆزینەوەی چارەسەری سیاسی و دەیەوێت هاوشێوەی پێش ساڵی 2011 سووریا بەڕێوەببات و بەرێگەی سەربازی و ئەمنی کێشەکە چارەسەر بکات".

جێگری هاوسەرۆکایەتیی ئەنجومەنی جێبەجێکار لە بەڕێوەبەرایەتیی خۆسەر لە باکوور و رۆژهەڵاتی سووریا ئاماژەی بەوەش کرد، ئەگەر دیمەشق لەسەر ئەم رێچکەیە بەردەوام بێت، وڵات بەرەو پارچەبوون دەبات.

بەدران چیا کورد گوتیشی، پێویستە وڵاتانی ناوچەکە و زلهێزەکانی جیهان گوشارێک لەسەر حکوومەتی سووریا دروست بکەن تاوەکوو بەپێی پرەنسیپ و بڕیارە نێودەوڵەتییەکان و واقیع مامەڵە بکات.

کۆدی هەواڵنێر: 60113